मोखाड्यात नरेद्र महाराजांच्या पादुका दर्शन सोहळा

मोखाड्यात नरेंद्र महाराजांचा पादुका दर्शन सोहळा
मोखाडा, ता. १८ (बातमीदार) ः जगद्गुरु रामानंदाचार्य नरेंद्राचार्य महाराज यांचा सिद्ध पादुका दर्शन सोहळा रविवारी (ता. २१) मोखाडा येथे मोठ्या उत्साहात होणार आहे. या सोहळ्याला हजारो भाविक उपस्थित राहण्याची शक्यता असून प्रशासकीय व सामाजिक जय्यत तयारी करण्यात आली आहे.
ढोल-ताशे, लेझीम पथके, कलशधारी महिला आणि सजीव देखाव्यांच्या उपस्थितीत श्रींच्या प्रतीकात्मक पादुकांची मिरवणूक काढण्यात येईल. त्यानंतर वेदमंत्रोच्चारात पादुकापूजन होईल. संस्थानतर्फे दुर्बल घटक पुनर्वसन योजनेअंतर्गत २१ गरजू महिलांना शिलाई यंत्रांचे वाटप करण्यात येणार आहे. सोहळ्यात विशेष प्रवचन, गुरुपूजन, आरती आणि उपासक दीक्षा विधी पार पडतील. भाविकांसाठी महाप्रसादाची व्यवस्था करण्यात आली असून, आरोग्यसेवादेखील तैनात असेल.
जिल्हा अध्यात्मप्रमुख दिगंबर पाटील आणि स्थानिक नियोजन समितीने सर्व भाविकांना सहकुटुंब उपस्थित राहून दर्शनाचा लाभ घेण्याचे आवाहन केले आहे.