पांचाळ यांना आदर्श एनसीसी अधिकारी पुरस्कार

पांचाळ यांना आदर्श एनसीसी अधिकारी पुरस्कार
जुईनगर, ता. १८ (बातमीदार) : नेरूळ सीवूड येथील रहिवासी आणि शिक्षक विश्वनाथ पांचाळ यांना आदर्श राष्ट्रीय एनसीसी अधिकारी पुरस्कार देऊन सन्मानित करण्यात आले. पांचाळ हे तीन महाराष्ट्र बटालियनचे मुख्य अधिकारी म्हणून कार्यरत आहेत. स्वामी विवेकानंद हायस्कूल, नेरूळ नगर, कुर्ला येथे एनसीसीच्या माध्यमातून विद्यार्थ्यांमध्ये एकता, शिस्त, देशसेवा व नेतृत्व गुण रुजवण्यासाठी केलेल्या सातत्यपूर्ण कार्याबद्दल त्यांचा गौरव करण्यात आला. हा पुरस्कार असोसिएट एनसीसी ऑफिसर वेल्फेअर बोर्ड, महाराष्ट्र राज्य यांच्या वतीने गांधी बालमंदिर हायस्कूल येथे आयोजित कार्यक्रमात ब्रिगेडियर शिरीष ढोबळे, कॅप्टन मनोज भामरे आणि प्राचार्य सुमन सिंह यांच्या हस्ते प्रदान करण्यात आला.