शितल साबळे यांना डॉक्टर पंजाबराव देशमुख कृषी भूषण पुरस्कार

शीतल साबळे यांना डॉ. पंजाबराव देशमुख कृषी भूषण पुरस्कार
बोर्डी, ता. २८ (बातमीदार) : भारतीय कृषक समाज पालघर जिल्हाध्यक्ष आणि तलासरी तालुक्यातील झाई-बोरीगाव येथील प्रयोगशील महिला शेतकरी शीतल यज्ञेश सावे यांना यंदाचा प्रतिष्ठित डॉ. पंजाबराव देशमुख कृषी भूषण पुरस्कार प्रदान करण्यात आला. जळगाव येथील कवयित्री बहिणाबाई चौधरी उत्तर महाराष्ट्र विद्यापीठात डॉ. पंजाबराव देशमुख यांच्या १२७व्या जयंतीनिमित्त आयोजित सोहळ्यात हा गौरव करण्यात आला.
भारतीय कृषक समाजाचे राष्ट्रीय अध्यक्ष डॉ. कृष्णवीर चौधरी आणि महाराष्ट्र अध्यक्ष डॉ. सुभाष नलंग यांच्या हस्ते हा पुरस्कार देण्यात आला. शीतल सावे यांनी शेतीमध्ये नवनवीन प्रयोग केले असून, विशेषतः फुलशेती आणि तिचे विपणन यात त्यांनी यश मिळवले आहे. शेती हा व्यवसाय फायदेशीर कसा करावा, याचे मार्गदर्शन त्यांनी अनेक महिलांना करून त्यांना सक्षम केले आहे. त्यांच्या या यशाबद्दल पालघर जिल्ह्यातील कृषी क्षेत्रातून आणि महिला बचत गटांकडून त्यांचे कौतुक होत आहे.