मर्म कथासंग्रह समाजात प्रबोधन करणारा ठरेल : प्रभाकर पाटील

सुनील जाधव यांच्या ‘मर्म’ कथासंग्रहाचे प्रकाशन
वसई, ता. २८ (बातमीदार) : उमरोळीचे सुपुत्र व लेखक सुनील जाधव यांच्या ‘मर्म’ कथासंग्रहाचे प्रकाशन उमरोळी येथे मान्यवरांच्या हस्ते करण्यात आले. आतापर्यंत जाधव यांच्या आठ कथासंग्रहांना ४२ राज्यस्तरीय पुरस्कार मिळाले आहेत. सरपंच प्रभाकर पाटील यांनी हा संग्रह समाजाचे प्रबोधन करणारा असल्याचे म्हटले आहे. उद्योजक संतोष वाळींजकर यांनी यातील वास्तववादी मांडणीचे कौतुक केले. रोहिदास समाजसेवा संघाच्या कला-क्रीडा महोत्सवात पार पडलेल्या या सोहळ्याला अनेक प्रतिष्ठित मान्यवर उपस्थित होते.