एल अँण्ड टी करणार मेट्रो-४ चे विद्युतीकरण

एल अँण्ड टी करणार मेट्रो-४ चे विद्युतीकरण
मुंबई, ता. २८ : वडाळा-कासारवडवली या मेट्रो चार मार्गावरील भक्ती पार्क ते कॅडबरी स्थानकादरम्यानच्या तब्बल २४ किलोमीटर लांबीच्या मार्गिकेचे विद्युतीकरण एल अँण्ड टी करणार आहे. त्यासाठी एमएमआरडीएने काढलेली निविदा एल अँण्ड टीला मिळाली आहे. यामध्ये मेट्रो मार्गिका आणि २२ स्थानकांचा समावेश असून त्यासाठी सुमारे १,००० कोटी रुपयांहून अधिक खर्च अपेक्षित आहे. एमएमआरडीएकडून मेट्रो-४ चे काम वेगात सुरू असून पहिला टप्पा गायमुख-कॅडबरी या टप्प्याचे काम पूर्ण झाले असून लवकरच सेवेत येणार आहे. दरम्यान, उर्वरित मार्गिकेचे काम पूर्ण होत आले आहे. त्यामुळे त्या ठिकाणचे विद्युतीकरणाचे काम करण्यासाठी एमएमआरडीएने निविदा मागवल्या होत्या. त्यानुसार काम मिळाल्याचे एल अँण्ड टीने स्पष्ट केले आहे.