मोबाईल हॅक करून लाखाेंची फसवणूक

उल्हासनगर, ता. २८ (वार्ताहर) : उल्हासनगरमध्ये मोबाईल हॅक करून ऑनलाईन फसवणूक केल्याचा प्रकार उघडकीस आला आहे. अनोळखी व्यक्तींनी व्हॉट्सॲप खाते हॅक करून एपीके फाईलच्या माध्यमातून तब्बल आठ लाख ६५ हजार रुपयांची फसवणूक केली आहे. याप्रकरणी फिर्यादी मनीष लुंड यांच्या स्टेट बँक ऑफ इंडियाच्या खात्यातून त्यांच्या संमतीशिवाय मोठी रक्कम काढण्यात आली आहे. अनोळखी व्यक्तीने बन्सी महाराज यांचे व्हॉट्सॲप खाते हॅक करून त्यामार्फत फिर्यादीला आरटीओ चलान एपीके नावाची फाईल पाठवली होती. फाईल डाउनलोड केल्यानंतर चोरट्यांनी मोबाईलचा संपूर्ण ताबा मिळवत ८.६५ लाख रुपये काढून घेतले. याप्रकरणी फिर्यादीने पोलिस ठाण्यात तक्रार दाखल केली असून, आरोपींविरोधात गुन्हा नोंदवला आहे.