धानोशी बीटमध्ये शालेय क्रीडा व गुणदर्शन स्पर्धांचा उत्साह

धानोशी बीटमध्ये शालेय स्पर्धा उत्साहात
जव्हार, ता. ३० (प्रतिनिधी) : धानोशी बीटस्तरीय शालेय क्रीडा आणि गुणदर्शन स्पर्धांचे आयोजन सारसून व बोराळा येथे करण्यात आले. माजी जिल्हा परिषद अध्यक्ष सुरेखा थेतले यांच्या हस्ते उद्घाटन झालेल्या या स्पर्धांमध्ये कबड्डी, धावणे यांसह ‘एआय-आई शाप की वरदान’ (वादविवाद स्पर्धा) आणि तंबाखूमुक्ती विषयांवर सांस्कृतिक स्पर्धा पार पडल्या. हिरडपाडा, जामसर व धानोशी या तीन केंद्रांतील विद्यार्थ्यांनी यात उत्स्फूर्त सहभाग नोंदवला. विजेत्यांना सन्मानचिन्ह देऊन गौरविण्यात आले असून, सारसून ग्रामपंचायतीतर्फे क्रीडा साहित्याचे वाटप करण्यात आले.