ग्रामपंचायत उमरोळी येथे खुल्या व्यायामशाळेचे लोकार्पण

उमरोळी येथे खुल्या व्यायामशाळेचे लोकार्पण
पालघर, ता. ३० (बातमीदार) : मुख्यमंत्री समृद्ध पंचायत राज अभियानांतर्गत उमरोळी ग्रामपंचायतीने उभारलेल्या खुल्या व्यायामशाळेचे लोकार्पण गटविकास अधिकारी संजय भोये यांच्या हस्ते झाले. या सुविधेमुळे लहान मुले, महिला आणि ज्येष्ठ नागरिकांना आरोग्याची जपणूक करता येणार आहे. यावेळी सरपंच प्रभाकर पाटील, उपसरपंच भरत वनमाळी व सदस्य उपस्थित होते. ‘गाव निरोगी तर देश समृद्ध’ या ध्येयाने राबवलेल्या या उपक्रमाचे ग्रामस्थांनी स्वागत केले आहे.