मालवणीतील खेळाडूंचे यश

मुंबईतील खेळाडूंचे यश
राज्यस्तरीय थाई बॉक्सिंग स्पर्धा

मालाड, ता. ३१ (बातमीदार) : आळंदी, पुणे येथे २७ ते २९ डिसेंबरदरम्यान पार पडलेल्या राज्यस्तरीय थाई बॉक्सिंग स्पर्धेत नटवरनगर मुंबई पब्लिक स्कूल, डी.एन. नगर मुंबई पब्लिक स्कूल आणि अथर्व कॉलेज ऑफ स्पोर्ट्स मॅनेजमेंट मालवणीच्या विद्यार्थ्यांनी उल्लेखनीय यश संपादन केले. स्पर्धेत या विद्यार्थ्यांनी एकूण पाच सुवर्ण, एक रौप्य आणि दोन कांस्यपदके पटकावली.
स्पर्धेत पार्थ राणे, विराज चव्हाण, देबाशीष पलिता, रुद्र पांडे, खुशी गुप्ता यांनी सुवर्णपदक जिंकले. रिद्धी चौहानने रौप्य कमाई केली. तर यश्वी सरोज, अनुराग मौर्याने कांस्यपदक जिंकले. या खेळाडूंना प्रशिक्षक गौरव अशोक पांचाळ यांनी मार्गदर्शन केले. या यशाबद्दल विजेत्या खेळाडूंचे अभिनंदन होत आहे.