इमारतीवरून कोसळला स्लॅबचा तुकडा

स्थानक परिसरात मोठा अपघात टळला
इमारतीचा स्लॅब कोसळला; दोन पादचारी थोडक्यात बचावले
कल्याण, ता. ३१ (बातमीदार) : कल्याण रेल्वे स्थानक परिसरात बुधवारी (ता. ३१) दुपारी एक गंभीर अपघात झाला. रेल्वे स्थानक परिसरात असलेल्या एका इमारतीवरून काँक्रीट स्लॅबचा मोठा तुकडा पादचारी मार्गावर कोसळला. या दुर्घटनेत दोन जण थोडक्यात बचावले असून, कोणतीही जीवितहानी झाली नाही. घटनेच्या वेळी परिसरात नागरिकांची वर्दळ झाली असून अपघातानंतर काही क्षणांसाठी घबराट पसरली. स्थानिक नागरिकांनी व आसपासच्या व्यापाऱ्यांनी तत्काळ घटनास्थळी धाव घेऊन फूटपाथ मोकळा केला. घटनेनंतर स्थानिकांनी संबंधित इमारतीची पाहणी आणि दुरुस्ती तातडीने करण्याची मागणी केली आहे. या भागातील अनेक जुन्या इमारतींना संरचनात्मक तपासणीची गरज असल्याचेही नागरिकांनी सांगितले.