अंबरनाथमध्ये गावठी हातभट्टीच्या दारूवर पोलिसांची धाड; एकावर गुन्हा दाखल

गावठी दारू प्रकरणी एकाला अटक
​अंबरनाथ, ता. ३१ (वार्ताहर) ः पूर्वेतील गायकवाड पाडा परिसरात गावठी दारू विक्रीसाठी बाळगणाऱ्या एका व्यक्तीवर शिवाजीनगर पोलिसांनी कारवाई केली. यात पोलिसांनी दारूचा साठा जप्त करीत गुन्हा दाखल केला आहे.
​मिळालेल्या माहितीनुसार, मंगळवारी (ता. ३०) दुपारी शिवाजीनगर पोलिसांना गायकवाड पाडा भागात दारूची विक्री होत असल्याची माहिती मिळाली होती. याआधारे पोलिसांनी त्या ठिकाणी छापा टाकला. याप्रकरणी पोलिसांनी योगेश भाऊसाहेब म्हांगडे (वय ४४) याला ताब्यात घेतले. पोलिस शिपाई हमीद गुलाममुस्तफा शेख यांनी याप्रकरणी दिलेल्या फिर्यादीवरून शिवाजीनगर पोलिस ठाण्यात गुन्हा दाखल करण्यात आला आहे.