नववर्ष स्वागत पार्टी जीवावर बेतली ; अपघातात १ जण ठार, २ जण अत्यवस्थ

दुचाकी अपघातात एक ठार, दोघे जखमी
शहापूर, ता. १ (वार्ताहर) ः सरत्या वर्षाला निरोप देऊन नववर्षाच्या स्वागताची पार्टी तरुणांच्या जीवावर बेतली आहे. पार्टी संपवून शहापूर शहराच्या दिशेने दुचाकीवरून येत असताना समोरच्या अनोळखी वाहनाला पाठीमागून जोरदार धडक दिल्याने एका तरुणाचा मृत्यू झाला. तर दोघेजण गंभीर जखमी झाले आहेत. शेणवे-शहापूर रस्त्यावर बुधवारी (ता. ३१) मध्यरात्री हा अपघात झाला.
या अपघातात दुचाकीस्वार सलीम साबीर शेख (वय २६) याचा मृत्यू झाला, तर बालाजी रेरा व भगवान चौधरी हे गंभीर जखमी झाले आहेत. त्यांच्यावर उपचार सुरू आहेत. ३१ डिसेंबरची पार्टी झाल्यानंतर तिघेजण दुचाकीवरून शहापूरच्या दिशेने येत होते. याप्रकरणी शहापूर पोलिसांनी गुन्हा दाखल केला असून अधिक तपास सुरू आहे.