दादरमध्ये ‘शिवोत्सव-२०२६’

दादरमध्ये ‘शिवोत्सव-२०२६’ चे आयोजन

सकाळ वृत्तसेवा
मुंबई, ता. १ : श्री शिवाजी ज्ञानपीठ इंटरनॅशनल आणि मराठी साहित्य व कला सेवा यांच्या संयुक्त विद्यमाने दादर (पश्चिम) येथील धुरू हॉलमध्ये रविवारी (ता. ४) सायंकाळी ५ ते ८.३० या वेळेत ‘शिवोत्सव-२०२६’ आयोजित करण्यात आला आहे. या वेळी पुरातत्त्व संचालक डॉ. तेजस गर्गे यांचे ‘जागतिक वारसा स्थळे ठरलेले १२ किल्ले’ या विषयावर, तर अक्षय चंदेल यांचे ‘मला समजलेले छत्रपती संभाजी महाराज’ या विषयावर व्याख्यान होणार आहे. ज्येष्ठ इतिहास संकलक दुर्गमहर्षी आप्पा परब यांना जीवनगौरव सन्मान दिला जाणार आहे. शिवदुर्ग मित्र, डेला ॲडव्हेंचर, यशवंती हायकर्स, निसर्ग मित्र आणि एनसीआरए या रेस्क्यू संस्थांचा विशेष सत्कार करण्यात येणार आहे. तसेच मोडी लिपी निबंध, शिवबावनी कथन आणि गडकिल्ले छायाचित्रण स्पर्धांचे पारितोषिक वितरण होणार आहे. कार्यक्रम सर्वांसाठी विनामूल्य असून उपस्थित राहण्याचे आवाहन डॉ. हेमंतराजे गायकवाड यांनी केले आहे.