सिद्धगड येथे हुतात्मा ज्योत प्रज्वलित करून हुतात्म्यांना आदरांजली रात्रभर देशभक्तीपर कार्यक्रमाचे आयोजन

सिद्धगड येथे हुतात्म्यांना आदरांजली
मुरबाड, ता. २ (बातमीदार) ः हुतात्मा वीर भाई कोतवाल आणि हुतात्मा वीर हिराजी पाटील यांच्या बलिदानदिनानिमित्त तालुक्यातील सिद्धगड येथे शेकडो नागरिकांनी उपस्थित राहून त्यांना श्रद्धांजली अर्पण केली. भीमाशंकर अभयारण्यात यानिमित्त रात्रभर देशभक्तीपर कार्यक्रम आयोजित करण्यात आले होते. शुक्रवारी (ता. २) सकाळी सहा वाजून दहा मिनिटांनी आमदार किसन कथोरे आणि माजी आमदार गोटीराम भाऊ पवार यांच्या हस्ते हुतात्मा ज्योत प्रज्वलित करून हुतात्म्यांना श्रद्धांजली वाहण्यात आली.
भिवंडीचे खासदार सुरेश ऊर्फ बाळ्यामामा म्हात्रे, मुरबाड नगर पंचायतीचे माजी नगराध्यक्ष रामभाऊ दुधाळे गुरुवारी (ता. १) रात्री सिद्धगड येथे उपस्थित होते. हुतात्म्यांना श्रद्धांजली वाहण्यासाठी प्रमुख पाहुणे म्हणून शुक्रवारी सकाळी राष्ट्रवादी काँग्रेसचे नेते प्रमोद हिंदुराव, ठाणे जिल्हा परिषदेचे माजी उपाध्यक्ष सुभाष दादा पवार, रायगड जिल्ह्याच्या पोलिस अधीक्षक आंचल दलाल, मुरबाडचे तहसीलदार अभिजित देशमुख, गटविकास अधिकारी लता गायकवाड यांच्यासह मोठ्या संख्येने नागरिक हजर होते.
-------------------------

फोटो ओळ

मुरबाड तालुक्यातील सिद्धगड येथे हुतात्मा ज्योत प्रज्वलित करून हुतात्मा भाई कोतवाल आणि हिराजी पाटील यांना आदरांजली वाहण्यात आली.

२ सिद्धगड येथे हुतात्म्यांना आदरांजली वाहण्यासाठी उपस्थित असलेले मुरबाडचे आमदार किसन कथोरे, या माजी आमदार गोटीराम भाऊ पवार आणि मान्यवर