जीर्ण पत्रपेटी लवकरच दुरुस्त होणार
जीर्ण पत्रपेटी लवकरच दुरुस्त होणार
जोगेश्वरी पोस्ट कार्यालयाच्या हालचाली सुरू
जोगेश्वरी, ता. ४ (बातमीदार) : जोगेश्वरी पूर्वेतील सर्वोदयनगर येथील एमएचबी कॉलनीजवळील पत्रपेटीची दुरवस्था झाली आहे. या पत्रपेटीच्या झाकणावर मोठे भगदाड पडले असून तळभाग पूर्णपणे गंजून गेला होता. तसेच ही पत्रपेटी अनधिकृत फेरीवाल्यांच्या गराड्यात सापडल्याने नागरिकांना त्यात टपाल टाकणेही कठीण झाले आहे. यासंदर्भात ‘सकाळ’ने १० नोव्हेंबरच्या अंकात ‘दुर्लक्षामुळे जुनी पत्रपेटी जीर्णावस्थेत’ या मथळ्याखाली बातमी प्रसिद्ध केली होती. या बातमीची दखल घेत संबंधित जोगेश्वरी पोस्ट कार्यालयाने तत्काळ हालचाली सुरू केल्या आहेत.
जोगेश्वरी पोस्ट कार्यालयाचे पोस्टमास्तर उदय आपटे यांनी स्वतः संबंधित पत्रपेटीची पाहणी करून तिची छायाचित्रे काढली आहेत. ती तत्काळ वरिष्ठ अधिकाऱ्यांकडे पाठविण्यात येणार आहेत. यासंदर्भात उदय आपटे यांनी सांगितले, की ही पत्रपेटी अत्यंत जीर्ण असून तिच्या दुरुस्तीसाठी आवश्यक दरपत्रक मागविण्यात येत आहे. मंजुरीनंतर पत्रपेटीची दुरुस्ती करून ती नव्या स्वरूपात पुन्हा बसविण्यात येणार आहे. तसेच पत्रपेटीच्या आजूबाजूला उभ्या राहणाऱ्या अनधिकृत फेरीवाल्यांमुळे टपाल टाकण्यास अडथळा निर्माण होत असल्याचे निदर्शनास आले आहे. या पार्श्वभूमीवर पत्रपेटीपासून फेरीवाल्यांना दूर ठेवण्याबाबत किंवा त्यांच्यावर योग्य ती कारवाई करण्यासाठी महापालिकेला लेखी पत्र देण्यात येणार असल्याचेही त्यांनी स्पष्ट केले.
फोटो - 255
लोगो - सकाळ इम्पॅक्ट
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.