सावकारांवर कारवाई करा

सावकारांवर कारवाई करा
दवणे कुटुंबीयांची पोलिसांकडे मागणी
तारापूर, ता. ४ (बातमीदार) ः डहाणू शहरात खासगी सावकारांच्या जाचाला कंटाळून एका डायमेकर व्यावसायिकाने आत्महत्या केली होती. या प्रकरणातील उर्वरित तीन आरोपींना तत्काळ ताब्यात घेण्याची मागणी दवणे कुटुंबीयांनी केली आहे.
चिंचणी येथील डायमेकर व्यावसायिक किशोर दवणे यांनी खासगी सावकारांच्या मानसिक त्रासाला कंटाळून आत्महत्या केली होती. या प्रकरणात वाणगाव पोलिसांनी नितीन जैन (वाणगाव), इंद्रदेव गुप्ता (चिंचणी), तुषार साळसकर (चिंचणी), अरविंद पाटील ऊर्फ पिंटा (अंधेरी, मुंबई), मंगेश चुरी (चिंचणी) यांच्याविरोधात गुन्हा दाखल केला आहे. तर मंगेश चुरी (रा. चिंचणी), तुषार साळसकर (रा. चिंचणी) दोघांना अटक केली होती. दरम्यान, या प्रकरणात दोन आरोपींना पाच दिवसांची पोलिस कोठडी देण्यात आली असून उर्वरित तीन आरोपींच्या अटकपूर्व जामिनावर मंगळवारी (ता. ६) सुनावणी होणार असल्याचे वाणगाव पोलिस ठाण्याचे सहाय्यक पोलिस निरीक्षक तुषार पाचपुते यांनी सांगितले.