नावझेतील महिलांना सक्षमीकरणाचे धडे

मनोर (बातमीदार)ः मुख्यमंत्री समृद्ध पंचायत राज अभियान व माझी वसुंधरा अभियान ६.० अंतर्गत माविम स्थापित संपदा लोकसंचालित साधन केंद्र, पालघर व सक्षम महिला उद्योजकता कार्यक्रम यांच्या संयुक्त विद्यमाने ग्रामपंचायत नावझे येथे तीन दिवसाचे महिला बचत गटांसाठी लर्निंग लिंक व्यवसाय प्रशिक्षण देण्यात आले. या शिबिरात गावातील ७२ महिलांनी सहभाग घेतला. महिलांना केवळ प्रशिक्षण, व्यवसाय उभारण्यासाठी आवश्यक आत्मविश्वास, दिशा व संधी देण्यासाठी उपक्रम उपयोगी ठरला. ग्रामीण महिलांना आर्थिकदृष्ट्या सक्षम, स्वावलंबी करणे आणि कुटुंबाच्या प्रगतीत त्यांचा सहभाग वाढवण्याचा कार्यक्रमाचा उद्देश होता. प्रशिक्षणादरम्यान लाभार्थी महिलांना उद्योग आधार कार्ड मोफत देण्यात आले. यामुळे महिलांना शासकीय योजना, कर्जसुविधा व विविध सवलतींचा लाभ घेण्याचा मार्ग मोकळा झाला.