विद्यार्थ्यांच्या कलागुणांचा ‘दशावतार’

विद्यार्थ्यांच्या कलागुणांचा ‘दशावतार’
स. तू. कदम विद्यालयाचा वार्षिकोत्सव उत्साहात साजरा
पालघर, ता. ७ (बातमीदार) ः स. तू. कदमच्या सीबीएससी विद्यालयाच्या वार्षिकोत्सवात तिसरी ते दहावीपर्यंतच्या विद्यार्थ्यांनी सहभाग नोंदवत विविध कलागुणांचे सादरीकरण केले. या वेळी विद्यार्थ्यांनी भगवान विष्णूंच्या दहा अवतारांचे दर्शन नाट्य, नृत्य, गीतांच्या माध्यमातून प्रभावीपणे सादर केले. यंदाच्या वार्षिकोत्सवाची संकल्पना भगवान विष्णू आधारित ‘दशावतार’ अशी होती. अभंग तसेच दशावतारावर आधारित गीतेही विद्यार्थ्यांकडून सादर करण्यात आली. यामध्ये वारीचे दर्शन, शिवराज्याभिषेक या सादरीकरणांनी प्रेक्षकांचे विशेष लक्ष वेधून घेतले. मूल्य, संस्कार आणि विचारांची जोपासना करण्यासाठी कलियुग, आधुनिक युगाची सांगड घालणाऱ्या उपक्रमाचे कौतुक उपस्थितांनी केले. या वेळी विद्यार्थ्यांमधील स्पर्धा निकोप असावी, प्रत्येक विद्यार्थ्याचे गुण ओळखून त्यांचे करिअर घडवावे, असा सल्ला त्यांनी पालकांना दिला. जीवन विकास शिक्षण संस्थेचे कार्याध्यक्ष प्रणव कदम यांनी विद्यालयातील शैक्षणिक, सहशैक्षणिक उपक्रमांचा लेखाजोखा पालकांसमोर मांडला. या वेळी संस्थेचे अध्यक्ष वागेश कदम, कार्यवाह रवींद्र कदम, विद्यालयाच्या व्यवस्थापिका कोमल कदम, मुख्याध्यापक प्रदीप पाणीग्रही, पालक, शिक्षक, विद्यार्थी उपस्थित होते.