चारचाकीच्या धडकेत जखमी झालेल्या कमल भीमराव व्हटकर यांचे निधन

चारचाकीच्या धडकेत जखमी झालेल्या कमल भीमराव व्हटकर यांचे निधन
घाटकोपर, ता. ११ (बातमीदार) ः मानखुर्द येथील लल्लूभाई कंपाउंड परिसरात १५ दिवसांपूर्वी चारचाकी वाहनाच्या धडकेत गंभीर जखमी झालेल्या कमल भीमराव व्हटकर (वय ८२) यांचे उपचारादरम्यान राजावाडी रुग्णालयात निधन झाले. अपघातानंतर त्यांच्यावर रुग्णालयात उपचार सुरू होते; मात्र प्रकृतीत सुधारणा न झाल्याने त्यांची प्राणज्योत मालवली. त्यांच्या पार्थिवावर घाटकोपर येथील स्मशानभूमीत अंत्यसंस्कार करण्यात आले. त्यांच्या पश्चात मुली, जावई, नातवंडे असा मोठा परिवार आहे. त्यांच्या निधनाने परिसरात हळहळ व्यक्त करण्यात येत असून, अनेकांनी त्यांना श्रद्धांजली अर्पण केली.