निवडणूकीत गाफील राहू नका - अमित ठाकरे

निवडणूकीत गाफील राहू नका ः अमित ठाकरे
वाशी, ता. ७ (बातमीदार) ः निवडणूक लोकशाहीसाठी खूप महत्वाची आहे. या निवडणुकीत दुबार मतदार, बोगस मतदार हे टाकण्यात आले आहेत. त्यामुळे कार्यकर्त्यांनी गाफील राहू नका, असा कानमंत्र मनसे नेते अमित ठाकरे यांनी येथे दिला.
नवी मुंबईतील प्रचार रॅली दरम्यान ऐरोली प्रभाग क्रमांक ४ चे मनसेचे उमेदवार निलेश बाणखेले यांच्या जनसंपर्क कार्यालयाला दिलेल्या भेटी दरम्यान केले. तर या निवडणुकीत मशाल आणि इंजिन धावणार असल्याचे अमित ठाकरे म्हणाले. ठाकरे बंधू एकत्र आल्यामुळे काही फरक पडत नसल्याचे विरोधक बोलत आहेत. पण रोज त्याच्यावरच बोलत असल्याची मिशिकल टिका ही ठाकरे यांनी केली.