पेड न्यूजवर आयोगाचे लक्ष

पेड न्यूजवर आयोगाचे लक्ष
मिरा-भाईंदरमध्ये समितीची स्थापना
भाईंदर, ता.८ (बातमीदार): मिरा-भाईंदर पालिकेच्या निवडणुकीत उमेदवारांनी पेड न्यूजच्या माध्यमातून स्वत:चा प्रचार करु नये, याकडे निवडणूक आयोगाचे बारिक लक्ष असणार आहे. अशा बातम्यांवर लक्ष ठेवण्यासाठी एक समिती गठित केली आहे.
निवडणुकीनिमित्त आचारसंहिता लागू झाली आहे. आचारसंहितेचे काटेकोरपणे पालन होत आहे की नाही यावर लक्ष ठेवण्यासाठी आयोगाकडून विविध प्रसारमाध्यमे, समाजमाध्यमांवरील जाहिरांतीवर लक्ष ठेवण्यात येणार आहे. यासाठी महापालिका आयुक्त राधाबिनोद शर्मा यांच्या अध्यक्षतेखाली समिती गठित करण्यात आली आहे. पोलिस उपायुक्त अशोक विरकर, महापालिकेचे अतिरिक्त आयुक्त डॉ संभाजी पानपट्टे, उपायुक्त प्रणाली घोंगे व जनसंपर्क अधिकारी राज घरत समितीचे सदस्य आहेत. इलेक्ट्रॉनिक माध्यमांसाठीच्या जाहिरातींचे पूर्व प्रमाणन करणे, पेड न्यूज संदभातील तक्रारींचे निराकारण करणे त्याचप्रमाणे विविध प्रसारमाध्यमातील वृत्तांकनाच्या संकेताच्या पालनाबाबत ही समिती देखरेख करणार आहे.