भिवंडी मनपा क्षेत्रात परवाना धारकांकडून शस्रे जमा धारकांकडून ३०५ शस्रे पोलिसांनी केले जमा

भिवंडी मनपा क्षेत्रात परवानाधारकांकडून शस्रे जमा

भिवंडी, ता. ९ : भिवंडी महापालिका निवडणुकीच्या पार्श्वभूमीवर भिवंडी पोलिसांनी विविध प्रतिबंधक कारवाई करीत ३०५ परवानाधारक शस्त्रे जमा केली आहेत. सार्वत्रिक निवडणुकीनिमित्त परिसरात शांतता भंग होऊ नये म्हणून भिवंडीचे पोलिस उपायुक्त शशिकांत बोराटे यांनी सहा पोलिस ठाण्यांतर्गत कारवाई करीत भिवंडी महापालिका क्षेत्रातील ३०५ परवानाधारक व्यक्तींकडून त्यांची शस्त्रे जमा केली आहेत. तसेच निवडणूक जाहीर झाल्यानंतर केलेल्या कारवाईदरम्यान ५३० जणांवर प्रतिबंधक कारवाई केली आहे. २४ गुन्हेगारांवर कारवाई करीत त्यांच्यावर गुन्हे दाखल केले आहेत. १० अग्निशस्रे, १६ धारदार हत्यारे पोलिसांनी जप्त केली, तर एकावर एमपीडी कायद्यांतर्गत कारवाई करण्यात आली. तसेच एकूण पाच गुन्हेगारांना हद्दपार करण्यात आले. शहरातील विविध गावठी दारूच्या अड्ड्यांवर छापा टाकत ३४ जणांवर गुन्हे दाखल करून पोलिसांनी २,५७४ लिटर दारू जप्त केल्याची माहिती पोलिसांकडून देण्यात आली आहे.