शनिवारी कळवा - मुंब्र्यात सुप्रिया सुळेंची तोफ धडाडणार

कळवा-मुंब्र्यात सुप्रिया सुळेंची जाहीर सभा
सकाळ वृत्तसेवा
ठाणे, ता. ९ : ठाणे महापालिकेच्या निवडणुकीचा प्रचार शिगेला पोहोचला आहे. राष्ट्रवादी काँग्रेस-शरदचंद्र पवार पक्षाने प्रचारात जोरदार आघाडी घेतली असून शनिवारी (ता. १०) राष्ट्रवादी काँग्रेस पक्ष-शरदचंद्र पवार पक्षाच्या राष्ट्रीय कार्याध्यक्षा सुप्रिया सुळे आणि राष्ट्रीय सरचिटणीस डाॅ. जितेंद्र आव्हाड यांची तोफ कळवा- मुंब्र्यात धडाडणार असल्याची माहिती जिल्हाध्यक्ष मनोज प्रधान यांनी दिली आहे. या शहरातील उमेदवारांच्या प्रचारार्थ कळवा पारसिकनगर येथील ९० फूट रोडवर ही सभा रात्री ८ वाजता होणार आहे.