घाटकोपरमधील इमारतीत एसी कॉम्प्रेसरचा स्फोट

घाटकोपरमधील इमारतीत एसी कॉम्प्रेसरचा स्फोट

घाटकोपर, ता. ९ (बातमीदार) ः पाटीदार हॉल परिसरातील शिवनगर येथील इमारतीत गुरुवारी (ता. ८) मध्यरात्री एसीच्या कॉम्प्रेसरचा स्फोट झाल्याने आग लागल्याची घटना घडली. ही आग रात्री सुमारे १२.३० वाजण्याच्या सुमारास लागली.
तिसऱ्या मजल्यावर लागलेली आग काही वेळातच चौथ्या मजल्यापर्यंत पसरली. घटनेची माहिती मिळताच अग्निशमन दलाचे जवान आणि घाटकोपर पोलिस तत्काळ घटनास्थळी दाखल झाले. अग्निशमन दलाच्या जवानांनी काही तासांच्या प्रयत्नानंतर आग आटोक्यात आणली. या आगीत कोणतीही जीवितहानी झाली नसली, तरी घरातील फर्निचर व इतर साहित्याचे मोठ्या प्रमाणावर नुकसान झाले आहे. एसी कॉम्प्रेसरचा स्फोट हेच आगीचे मुख्य कारण असल्याची प्राथमिक माहिती असून, याबाबत अधिक तपास सुरू आहे, अशी माहिती घाटकोपर पोलिस ठाण्याचे वरिष्ठ पोलिस निरीक्षक सतीश जाधव यांनी दिली.