‘वसुधैव कुटुंबकम्’चे मुंबईत आयोजन

‘वसुधैव कुटुंबकम्’चे
मुंबईत आयोजन
मुंबई, ता. १० ः ज्योत इंडिया संस्था आणि परराष्ट्र मंत्रालयाच्या सहकार्याने ‘वसुधैव कुटुंबकम् संमेलन ४.०’चे १६ ते २२ जानेवारीदरम्यान मुंबईतील ऑगस्ट क्रांती मैदानात आयोजन केले आहे. माजी सरन्यायाधीश न्या. बी. आर. गवई, माजी न्या. बी. एन. श्रीकृष्ण, मुख्यमंत्री देवेंद्र फडणवीस, केंद्रीय मंत्री पीयूष गोयल, उच्च व तंत्रशिक्षणमंत्री चंद्रकांत पाटील, सांस्कृतिक कार्यमंत्री आशीष शेलार यांच्यासह देश-विदेशातील विचारवंत सहभागी होणार आहेत.
भारतीय प्राचीन ज्ञानपरंपरेतून उद्भवलेल्या ‘वसुधैव कुटुंबकम्’ या संकल्पनेतील १२ शाश्वत तत्त्वांवर हे संमेलन आधारित आहे. जैनाचार्य योगभूषणसूरीजी महाराज यांच्या मार्गदर्शनाखाली होत आहे. कुटुंबापासून समाज, राष्ट्र आणि जागतिक पातळीपर्यंत शाश्वत, न्याय्य आणि संतुलित व्यवस्था उभारण्यासाठी भारताचे ठोस योगदान मांडण्याचा प्रयत्न या वेळी केला जाणार असल्याचे आयोजकांनी सांगितले आहे.