गंधर्व गुरुकुलचा ८वा वार्षिक स्नेहसंमेलन उत्साहात साजरा

गंधर्व गुरुकुलचा स्नेहसंमेलन उत्साहात साजरा
कल्याण, ता. ११ (वार्ताहर) : गंधर्व गुरुकुलचे स्नेहसंमेलन सोहळा नुकताच उत्साहात पार पडला. विद्यार्थ्यांच्या कला, नृत्य, गायन व नाट्य सादरीकरणाने सर्वांची मने जिंकली. प्रत्येक सादरीकरणातून शिक्षकांनी मुलांवर घेतलेली मेहनत आणि तितक्याच तन्मयतेने विद्यार्थ्यांनी घेतलेल्या परिश्रमाचा आणि रियाज याचा प्रत्यय सर्वांना आला.
श्रीराम हा विषय घेऊन सादर करण्यात आलेल्या या स्नेहसंमेलनात डॉ प्रमोद नांदगावकर यांनी मोजक्या व मुद्देसूद शब्दात सादर केलेली गंधर्व गुरुकुलाची वाटचाल, प्रभू रामचंद्रांचा प्रेरणात्मक विषय घेऊन गंधर्व गुरुकुल शिक्षिका पूर्वा शिंपी यांचे मुद्देसूद सूत्रसंचालन, भरतनाट्यम, कथ्थक, वेस्टन डान्स, बासरी, तबला याचे परफॉर्मन्स आणि त्याला लाभलेली वादकांची उत्तम साथ लाभली. या कार्यक्रमामुळे शिक्षक, विद्यार्थी व पालक यांच्यातील स्नेह अधिक दृढ झाला, अशी पोचपावती पालकांनी दिली.
या कार्यक्रमाला कल्याण कृषी उत्पन्न बाजार समिती सभापती रविंद्र घोडविंदे, पाटील, जोशी, शीला नांदगावकर, सुधा जानविलकर, खिसमतराव, संदीप रेडकर, शीतल रेडकर, नितीन नांदगावकर, भूमी नांदगावकर, डॉ. सचिन सातपुते, सन्नी नागदेव, डॉ. सिद्वेश्वर चामनारू, ॲड. विलास भारती, तुषार शिंपी, दामोदर धोरडे, प्रशांत दीक्षित, विवेकानंद झरे, प्रवीण वाणी, मुकुंद नावकर, अमर धनावडे आदींनी उपस्थिती लावली होती. हा कार्यक्रम यशस्वी करण्यासाठी शिक्षक मयूर सावर्डेकर, सिद्धी सावर्डेकर, ओमकार लवांदे, प्रशांत सावंत, सुनील गोडांबे, कोमल गायकवाड पाटील, कोमल नागावेकर जाधव, अनंता तरणे, पराग वाणी यांनी मेहनत घेतली.