वसई विकास सहकारी बैंक लि. व मणिपाल सिग्ना हेल्थ इन्शुरन्स कंपनी

वसई विकास सहकारी बॅंक लि व मणिपाल सिग्ना हेल्थ इन्शुरन्स कंपनी यांच्यातील व्यवसायास सुरुवात
वसई विकास बँक-मणिपाल सिग्ना यांची भागीदारी
विरार, ता. १२ (बातमीदार) ः वसई विकास सहकारी बँक लिमिटेड व मणिपाल सिग्ना हेल्थ इन्शुरन्स कंपनी यांच्यातील व्यवसायास नुकतीच सुरुवात करण्यात आली. बँकेच्या मुख्य कार्यालयात आयोजित एका विशेष कार्यक्रमात याचा शुभारंभ करण्यात आला. याप्रसंगी बँकेचे अध्यक्ष आशय राऊत, मुख्य कार्यकारी अधिकारी दिलीप ठाकूर, संचालक राजेश पाटील, बँकेचे सर्व कार्यकारी अधिकारी उपस्थित होते. मणिपाल सिग्ना हेल्थ इन्शुरन्स कंपनीतर्फे बँक हेड दीपक गोवित्रिकर, झोनल हेड अनिरुध्द मुखर्जी आणि की काउंटर व्यवस्थापक मोहन कांबळे उपस्थित होते.
वसई विकास सहकारी बँक व मणिपाल सिग्ना हेल्थ इन्शुरन्स कंपनी यांच्यातील सहकार्यामुळे विविध आरोग्य विमा योजना बँकेच्या सर्व शाखांमधून उपलब्ध होणार आहेत. तसेच ग्राहकांना उत्तम आरोग्य विमा संरक्षण, सुलभप्रक्रिया व विश्वासार्ह सेवा देणे हा या उपक्रमाचा मुख्य उद्देश आहे. या वेळी आशय राऊत यांनी ग्राहकांच्या आरोग्य सुरक्षिततेसाठी मणिपाल सिग्नासारख्या कंपनीसोबत हे सहकार्य ग्राहकांसाठी निश्चितच लाभदायक ठरेल, असे सांगितले.