पालघरच्या उपनगराध्यक्षपदी राजेंद्र पाटील

पालघरच्या उपनगराध्यक्षपदी राजेंद्र पाटील
मनोर, ता.१२(बातमीदार)ः पालघर नगरपरिषदेच्या उपनगराध्यक्ष पदी शिंदे सेनेचे नगरसेवक राजेंद्र पाटील यांची निवड करण्यात आली. शिंदे सेनेतील उप नगराध्यक्षपदासाठी इच्छुक अमोल पाटील, रईस खान आणि चंद्रशेखर वडे नगरसेवकांच्या स्पर्धेत राजेंद्र पाटील यांनी बाजी मारली. दुपारी तीन वाजता निवडणूक निर्णय अधिकाऱ्यांनी उपनगराध्यक्ष आणि स्वीकृत नगरसेवकांची निवड जाहीर केली. शिंदे सेनेकडून प्रभाग क्रमांक एक मधील पराभूत उमेदवार रवींद्र ऊर्फ बंड्या म्हात्रे, अॅड.धर्मेंद्र भट यांना स्वीकृत नगरसेवक पदाची संधी देण्यात आली. तर भाजपकडून अॅड. जयेश आव्हाड यांना स्वीकृत नगरसेवक पदाची संधी देण्यात आली.