मकरसंक्रांतीनिमित्त पतंग वाटप

मकर संक्रांतीनिमित्त पतंगवाटप

कासा (बातमीदार) : सालाबादप्रमाणे यंदाही मकर संक्रांतीनिमित्त साहेब जिमनॅस्टिक्स जिमखाना यांच्या वतीने मुलांसाठी पतंग व मांजावाटप कार्यक्रमाचे आयोजन करण्यात आले. सामाजिक उपक्रमांबरोबरच क्रीडा संस्कृती जोपासण्याचे कार्य सातत्याने करणाऱ्या जिमखानाच्या या उपक्रमाला पालक व नागरिकांकडून उत्स्फूर्त प्रतिसाद मिळाला. या कार्यक्रमांतून मुलांमध्ये परंपरा जपण्याची जाणीव, शिस्त, सुरक्षितता आणि सामाजिक भान निर्माण व्हावे, हा उद्देश ठेवण्यात आला होता. सण उत्साहात साजरा करताना, सुरक्षिततेची काळजी घेण्याचा संदेश देत मुलांना योग्य प्रकारे पतंग उडवण्याबाबत मार्गदर्शन करण्यात आले. धोकादायक चायनीज मांजा वापर टाळावा, सार्वजनिक ठिकाणी इतरांना त्रास होणार नाही याची दक्षता घ्यावी, तसेच पक्षी व पर्यावरण संरक्षणाची जाणीव ठेवावी, असे आवाहनही या वेळी आयोजकांनी केले.