व्यवसाय मार्गदर्शन व समुपदेशन स्पर्धेत विठ्ठल रेणुकर द्वितीय

व्यवसाय मार्गदर्शन व समुपदेशन स्पर्धेत विठ्ठल रेणूकर द्वितीय
माणगाव (वार्ताहर) ः शिक्षणातील गुणवत्तावृद्धीसाठी, पुणे यांच्यामार्फत २०२४-२५ पासून राज्यातील शिक्षक व कर्मचारी यांच्यासाठी ४२ स्पर्धांचे आयोजन करण्यात आले. त्यातील व्यवसाय मार्गदर्शन व समुपदेशन स्पर्धेत गो. म. वेदक विद्यामंदिरचे शिक्षक विठ्ठल रेणूकर यांनी राज्यात द्वितीय क्रमांक मिळविला. आंतरविद्याशाखीय शिक्षणातून करिअर संधी या विषयाचे त्यांनी सादरीकरण केले. राज्यातील आठ विभागांतील ४० स्पर्धक यात सहभागी होते. रेणूकर यांनी डिजिटल लिटरसी, विद्यार्थ्यांचे संगणकीय कौशल्य, नवोपक्रम व आर्थिक साक्षरता कार्यक्रम अशा विविध उपक्रमांमध्ये कार्य केले असून त्यांच्या यशाबद्दल संस्थेच्या पदाधिकाऱ्यांनी अभिनंदन केले.

फोटो ओळ ः विठ्ठल रेणूकर यांचा सत्कार करताना संस्थेचे विश्वस्त.