समुद्रकिनाऱ्याच्या पर्यटन विकासाला नवे बळ

डहाणूच्या पर्यटनाला नवे बळ
कासा (बातमीदार) ः पालघर जिल्ह्यातील महत्त्वाचे पर्यटन केंद्र असलेल्या बोर्डी समुद्रकिनाऱ्याच्या सर्वांगीण विकासाला नवे बळ मिळाले असून, पर्यटकांसाठी आधुनिक सुविधा उपलब्ध करून देण्याच्या दृष्टीने विविध विकासकामांचा आरंभ डहाणू विधानसभेचे आमदार विनोद निकोले यांच्या हस्ते करण्यात आला. या विकास आराखड्यांतर्गत बोर्डी समुद्रकिनाऱ्यावरील कॅम्पिंग ग्राउंडसमोर लहान मुलांसाठी सुसज्ज व सुरक्षित ‘चिल्ड्रन प्ले पार्क’ उभारण्यात येणार आहे. यासोबतच समुद्रकिनाऱ्याचे सौंदर्यीकरण, पर्यटकांसाठी आकर्षक वॉकवे (पायवाट), बसण्यासाठी बाके तसेच कॅम्पिंग ग्राउंड परिसरात स्वतंत्र व सुस्थित मार्गांची निर्मिती करण्यात येणार आहे.