राज पुरोहित यांच्या निधनाने सुस्वभावी नेतृत्व हरपले

राज पुरोहित यांच्या निधनाने सुस्वभावी नेतृत्व हरपले
रामदास आठवले यांची शोकभावना

घाटकोपर, ता. १८ (बातमीदार) : भाजपचे ज्येष्ठ नेते माजी कॅबिनेट मंत्री राज के. पुरोहित यांच्या निधनाने झोपडपट्टीवासीयांबद्दल सहानुभूती असणारे, गरिबांच्या प्रश्नांची जाण असणारे सहृदय नेते सरल सुस्वभावी नेतृत्व हरपले, अशा शब्दांत केंद्रीय सामाजिक न्याय राज्यमंत्री रामदास आठवले यांनी श्रद्धांजली वाहिली.
राज के. पुरोहित यांच्याशी अनेक वर्षांपासून मैत्रीपूर्ण सबंध होते. त्यांनी कुलाब्यातील झोपडपट्टीवासीयांबद्दल सहानुभूती ठेवून त्यांचे प्रश्न सोडविले. त्यांनी भाजपशी एकनिष्ठ राहून समाजसेवा केली. मुंबईतील राजस्थानी जनतेचा आवाज त्यांनी नेहमीच बुलंद केला. मुंबईच्या विकासात राज के. पुरोहित यांचे योगदान असून त्यांच्या स्मृती कायम स्मरणात राहतील, अशी शोकभावना आठवले यांनी पाठवलेल्या शोकसंदेशात व्यक्त केली.