सुट्टीचा दिवशी रंगाचे विश्व

सुट्टीचा दिवशी रंगाचे विश्व
‘सकाळ’ चित्रकला स्पर्धेला प्रतिसाद
वसई, ता.१८ (बातमीदार)ः रविवार हा सुट्टीचा दिवस असताना सकाळ समूहाने भरवलेल्या बाल चित्रकला स्पर्धेत विद्यार्थ्यांनी भरघोस प्रतिसाद दिला. यावेळी चिमुकल्या कुंचल्यातून रंगवलेली आकर्षक चित्रांमधून साकारलेले भावविश्व पाहताना उत्साह जाणवला.
नालासोपारा पूर्वेकडील राजा शिवाजी विद्यालयात (ता.१८) ‘सकाळ एनआई’तर्फे बाल चित्रकला स्पर्धा घेण्यात आली. यावेळी ३३५ विद्यार्थ्यांनी सहभाग नोंदविला. ४ गटांत झालेल्या स्पर्धेत मोठ्या संख्येने विद्यार्थ्यांनी सहभाग घेतलैा चित्रकला स्पर्धा यशस्वी करण्यासाठी अभिमान पाटील सर (न्यू इंग्लिश स्कुल), प्रवीण चव्हाण (शिपाई वर्ग, राजा शिवाजी विद्यालय) तर केंद्रासाठी मुख्याध्यापिका माया मोहिते, संस्थेचे अध्यक्ष प्रवीण हाटे यांचे सहकार्य मिळाले. स्पर्धा सुरु झाल्यावर प्रत्येक जण चित्र काढण्यात मंत्रमुग्ध झाले होते. आपले कौशल्य, कला वापरून मुलांनी चित्र रेखाटली. यावेळी सर्वात सुंदर, सुबक चित्र कसे, काढण्यासाठीची धडपड दिसून आली.