विजयी उमेदवारांना मिरवणूक भोवणार

विजयी उमेदवारांना मिरवणूक भोवणार
भाजपच्या चार नगरसेवकाविरोधात कारवाईची मागणी
भाईंदर, ता.१९ (बातमीदार): मिरा-भाईंदर महापालिकेत मतमोजणी केंद्रापासून शंभर मीटर अंतरात विजयी मिरवणूक काढण्यास पोलिसांनी मनाई केली होती. त्यामुळे निवडून आलेले चार नगरसेवक अडचणीत येण्याची शक्यता आहे.
मिरा-भाईंदर महापालिकेसाठी मतमोजणी सुरू असताना मतमोजणी केंद्राच्या १०० मीटर परिसरात खासगी व्यक्तींना ध्वनीक्षेपकाचा वापर करण्यास १०० मीटर परिसरात घोषणाबाजी तसेच विजयी मिरवणूक काढण्यास पोलिस आयुक्तांनी मनाई केली होती. असे असताना प्रभाग के २३ चे भाजपच्या नयना म्हात्रे, वर्षा भानुशाली, संजय थरथरे, जयेश भोईर यांनी खुल्या वाहनातून १०० मीटर अंतराच्या आत विजयी मिरवणूक काढली होतीय. तसेच घरासमोर फटाके फोडल्यामुळे आचारसंहितेचे उल्लघंन झाल्याची तक्रार अपक्ष उमेदवार रोहित सुवर्णा यांनी पोलिसांकडे केली आहे.