काशीद समुद्रात बुडून पुण्यातील पर्यटकांचा मृत्यू

काशीद समुद्रात बुडून
पुण्यातील पर्यटकाचा मृत्यू
मुरूड, ता. १९ (बातमीदार) : पुणे जिल्ह्यातील हडपसर येथून काशीद समुद्रकिनारी फिरण्यासाठी आलेल्या पर्यटकाचा बुडून मृत्यू झाल्याची घटना घडली आहे. सोमनाथ राजेश भोसले (वय २४) असे मृताचे नाव आहे. पाण्याचा अंदाज न आल्यामुळे ताे बुडाला. साेमवारी सायंकाळी त्याचा मृतदेह साापडला आहे.
भाेसले हा रविवारी मित्रांसमवेत काशीद समुद्रकिनारी आला होता. दुपारी तो समुद्रात पोहण्यास गेला होता. भोसले याला पाण्याचा अंदाज न आल्यामुळे ताे खोल समुद्रात खेचला जाऊन बुडाला. त्याच्या मित्रांनी त्याचा शोध घेतला असता ताे सापडला नाही. अखेर त्यांनी मुरूड पोलिस ठाण्यात तक्रार दाखल केली. आज सायंकाळी ४ वाजता काशीद समुद्रकिनारी भोसले याचा मृतदेह आढळला. याबाबत मुरूड पोलिस ठाण्यात नोंद करण्यात आली आहे.