साई दरबारात अखंड सच्चरित्र पठणाचा सुरेल सोहळा

साई दरबारात अखंड सच्चरित्र पठणाचा सुरेल सोहळा
शिवडी, ता. २० (बातमीदार) : दादर येथील माधववाडीत वसलेल्या साई द्वारका मंदिरात दोन दिवसांचे श्री साई सच्चरित्राचे अखंड पारायण आयोजित करण्यात आले आहे. बुधवारी (ता. २१) दुपारी या पारायणाचा शुभारंभ होणार असून गुरुवारी (ता. २२) सकाळी पारायणाचा समारोप व महाप्रसाद होणार आहे. या उपक्रमांतर्गत श्री साई सच्चरित्राच्या पाच पोथ्यांचे अखंड चक्रवाचन दिवसरात्र सुरू राहणार आहे. या आध्यात्मिक सोहळ्यामुळे साई दरबार भक्तिमय वातावरणाने भारावून जाणार आहे. सर्व साईभक्तांनी या पवित्र उपक्रमात सहभागी होऊन साईचरित्र श्रवणाचा लाभ घ्यावा, असे आवाहन मंदिर व्यवस्थापनातर्फे करण्यात आले आहे.