४८ कोटी ५० लाखांचा अमली पदार्थ जप्त

मुंब्र्यात २०२४ मध्ये ४८ कोटींचा अमली पदार्थ जप्त
सकाळ वृत्तसेवा
ठाणे, ता. १९ : मुंब्रा पोलिसांनी २०२४ या वर्षात अमली पदार्थ विरोधात केलेल्या कारवाईत ४८ कोटी ५० लाखांचा मुद्देमाल हस्तगत केला आहे. या कारवाई ५८ जणांच्या मुसक्या आवळण्यात आल्या असून मुंब्रा पोलिस ठाण्याच्या कार्यक्षेत्रात वर्षभरात नऊ हजार २५४ नशा करणाऱ्यांवर कारवाई करण्यात आली आहे.
ही कारवाई ठाणे शहर पोलिस आयुक्त आशुतोष डुंबरे यांच्या आदेश व मार्गदर्शनाखाली करण्यात आली आहे. अंमली पदार्थांची विक्री व सेवन करणाऱ्यांवर यापुढे देखील अशाचप्रकारे कठोर कारवाई करण्यात येईल, असे मुंब्रा पोलिस ठाण्याचे वरिष्ठ पोलिस निरीक्षक अनिल शिंदे यांनी सांगितले.