केएमसी अकादमीचा वर्धापन दिन

स्नेहसंमेलनात चिमुकल्यांमुळे रंगत
विरार (बातमीदार)ः विरार येथील केएमसी अकादमीच्या ९ व्या वार्षिक स्नेहसंमेलनात चिमुकल्यांचा बहारदार कार्यक्रमानी साऱ्यांचे लक्ष वेधले. या कार्यक्रमात चिमुकल्या विद्यार्थ्यांनी सादर केलेल्या नृत्य, गीत, सांस्कृतिक कार्यक्रमांनी उपस्थितांची मने जिंकली. कार्यक्रमाला प्राचार्या, विश्वस्तगण, शिक्षकवृंद, पालकवर्ग, विद्यार्थी मोठ्या संख्येने उपस्थित होते. कार्यक्रमाची सुरुवात दीपप्रज्वलनाने करण्यात आली. या स्नेहसंमेलनात विद्यार्थ्यांनी विविध हिंदी, मराठी व देशभक्तीपर गीतांवर नृत्य सादर केले. विद्यार्थ्यांच्या सादरीकरणाला उपस्थितांकडून भरभरून दाद दिली.