अस्तित्वासाठी थंडी-वाऱ्याशी सामना
मनोरमध्ये थांबलेल्या मोर्चेकऱ्यांचा उत्साह शिगेला
मनोर, ता.२० (बातमीदार)ः जल, जंगल, जमिनीसाठी माकपने काढलेला मोर्चा सोमवारी रात्री आठच्या सुमारास मनोर ग्रामपंचायत हद्दीतील शगुन मैदानात विसावला. यावेळी थंडी-वाऱ्याशी सामना करत अस्तित्वासाठी रस्त्यावर उतरलेल्या हजारो आंदोलकांचा उत्साह पाहण्यासारखा होता.
लॉंग मार्चच्या पार्श्वभूमीवर पोलिसांकडून संपूर्ण मार्गावर मोठ्या प्रमाणावर बंदोबस्त तैनात करण्यात आला होता. लॉंग मार्चमुळे संभाव्य गर्दी आणि वाहतूक कोंडी टाळण्यासाठी मनोर-पालघर महामार्गावरील वाहतूक पर्यायी मार्गाने वळवण्यात आली. साधारण पंधरा ते वीस हजार मोर्चेकऱ्यांचा सहभाग होता. विशेष म्हणजे, मोर्चेकरांनी रात्री तारपा नुत्याचा आनंद घेत घेतला. यावेळी रात्री झोपण्याआधी लॉंग मार्चच्या नियोजनासंदर्भात आमदार विनोद निकोले यांनी सहकाऱ्यांसोबत चर्चा केली. शगुन मैदानात उघड्यावरच झोपणे पसंत केले. त्यामुळे मोर्चेकऱ्यांमधील एकजुटीचे दर्शन झाले.
--------------------------------------------------
हजारो आंदोलक सहभागी
सामाजिक, आर्थिक, स्थानिक प्रश्नांबाबत प्रशासनाचे लक्ष वेधण्यासाठी काढलेला लॉंग मार्च शांततेत, शिस्तबद्ध पद्धतीने पालघरकडे मंगळवारी सकाळी साडेदहाच्या सुमारास मनोरच्या शगुन मैदानावरून रवाना झाला. यावेळी मोर्चात हजारोंच्या संख्येने आंदोलक सहभागी झाले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.