प्रवीण शेट्टी बविआच्या गटनेतेपदी

प्रवीण शेट्टी बविआच्या गटनेतेपदी
विरार, ता. २१ (बातमीदार) ः वसई-विरार पालिकेच्या निवडणुकीनंतर सर्वात जास्त जागा मिळवून बविआ सत्तेवर आली आहे. महापौरांचे आरक्षण अजून जाहीर झाले नसले तरी माजी महापौर प्रवीण शेट्टी यांची गटनेतेपदी निवड करण्यात आली.
बहुजन विकास आघाडीचे मित्र पक्ष मनसे, काँग्रेसच्या निवडून आलेल्या ७१ नगरसेवकांची विरार येथील विवा महाविद्यालयात बैठक झाली. या बैठकीत निवडून आलेले सर्व नगरसेवक हजर होते. या बैठकीला माजी आमदार हितेंद्र ठाकूर, माजी आमदार क्षितिज ठाकूर, माजी महापौर प्रवीण ठाकूर, माजी महापौर नारायण मानकर, माजी खासदार बळीराम जाधव, जीतू शहा, पंकज ठाकूर, माजी उपमहापौर सगीर डांगे उपस्थित होते. या बैठकीत पक्षाचे अध्यक्ष हितेंद्र ठाकूर यांनी प्रवीण शेट्टी यांची गटनेतेपदी निवड केल्याची घोषणा केली.