अश्रफ शानू पठाण यांची गटनेतेपदी निवड

अश्रफ शानू पठाण यांची गटनेतेपदी निवड
सकाळ वृत्तसेवा
ठाणे, ता. २३ : राष्ट्रवादी काँग्रेस-शरदचंद्र पवार पक्षाचे ज्येष्ठ नगरसेवक अश्रफ (शानू) पठाण यांची ठाणे महापालिकेत गटनेतेपदी निवड करण्यात आली आहे. तसे पत्र जिल्हाध्यक्ष मनोज प्रधान यांनी कोकण विभागीय आयुक्तांना दिले आहे.
ठाणे महापालिकेत राष्ट्रवादी काँग्रेस पक्षाचे १२ नगरसेवक विजयी झाले आहेत. शुक्रवारी जिल्हाध्यक्ष मनोज प्रधान यांनी आपल्या १२ नगरसेवकांसह कोकण विभागीय आयुक्तांची भेट घेऊन गटस्थापना करीत असल्याचे पत्र दिले. महापालिकेत पक्षाचा स्वतंत्र गट असणार आहे. अश्रफ शानू पठाण हे ज्येष्ठ नगरसेवक असून, मागील सत्रात त्यांनी विरोधी पक्षनेतेपदही भूषविले आहे. ते यंदा सलग प्रभाग क्रमांक ३२ मधून तिसऱ्यांदा नगरसेवक झाले असून, आपले पॅनेल त्यांनी मोठ्या फरकाने जिंकले आहे.