कळव्यात प्रजासत्ताक दिनाचा उत्साह,

कळव्यात प्रजासत्ताक दिनाचा उत्साह
तिरंगा रॅली व कार्यक्रमांचे आयोजन
कळवा, ता. २७ (बातमीदार) ः भारतीय प्रजासत्ताक दिनाचे औचित्य साधून कळव्यात कार्यक्रमांचे आयोजन करण्यात आले होते. यानिमित्त कळवा नाका ते रेतीबंदर तिरंगा बाईक रॅली काढण्यात आली. तर विविध शाळांमध्ये सांस्कृतिक कार्यक्रम उत्साहात पार पडले.
कळव्यातील पारसिकनगरमधील तरुणांनी कळवा नाका ते रेतीबंदर अशी तिरंगा बाईक रॅली काढली. तर कळव्यातील न्यू कळवा हायस्कूल, न्यू इंग्लिश स्कूल, सहकार विद्याप्रसारक व मनिषा विद्यालय या शाळांनी सांस्कृतिक कार्यक्रमांबरोबर विविध प्रात्यक्षिके सादर करून ध्वजाला सलामी दिली. विविध सोसायटी, उद्याने या ठिकाणी ध्वजरोहनाचे व सांस्कृतिक कार्यक्रम आयोजन करून प्रजासत्ताक दिन मोठ्या उत्साहात साजरा करण्यात आला. तर काही शाळांमध्ये क्रांतीज्योती विद्यालय चित्रपटातील ‘स्वर्ग के तारे’ गाण्यावर जल्लोष साजरा करण्यात आला.