पोलादपूर तालुक्यात भारतीय प्रजासत्ताक दिन उत्साहात साजरा

प्रजासत्ताक दिनानिमित्त संविधानाची शपथ
पोलादपूर, ता. २७ (बातमीदार) ः पोलादपूर तहसीलदार कार्यालयात तहसीलदार कपिल घोरपडे यांच्या हस्ते ध्वजारोहण करण्यात आले. यावेळी उपस्थित सर्व अधिकारी व कर्मचाऱ्यांनी संविधानाची एकत्रित शपथ घेतली. पोलादपूर पोलिस स्टेशनतर्फे मानवंदना देण्यात आली.
या कार्यक्रमास पोलादपूर पोलिस स्टेशनचे सहाय्यक पोलिस निरीक्षक आनंद रावडे, पोलादपूर पंचायत समितीच्या गटविकास अधिकारी दिप्ती गाट, नगरपंचायतीचे मुख्याधिकारी विनय शिपाई, नगराध्यक्षा स्नेहा मेहता, सर्व नगरसेवक, माजी सैनिक, पत्रकार, शाळकरी विद्यार्थी तसेच राजकीय क्षेत्रातील मान्यवर मोठ्या संख्येने उपस्थित होते.
प्रजासत्ताक दिनाच्या या कार्यक्रमातून देशाच्या संविधानिक मूल्यांप्रती निष्ठा व्यक्त करण्यात आली. संपूर्ण तालुक्यात देशभक्तीपूर्ण वातावरण निर्माण झाले होते.