तळा तालुक्यात ७७ वा प्रजासत्ताक दिन उत्साहात साजरा.

तळा तालुक्यात प्रजासत्ताक दिन उत्साहात साजरा
तळा, ता. २७ ः तालुक्यातील सर्व शाळा, महाविद्यालय, सरकारी कार्यालय या ठिकाणी प्रजासत्ताक दिनाचा उत्साह पहायला मिळाला. रायगड जिल्हा परिषदेच्या तळे मराठी शाळेतील नवोदय परीक्षा उत्तीर्ण झालेल्या रुद्र थिटेकर या विद्यार्थ्याला ध्वज फडकविण्याचा मान देण्यात आला. आणि नगरपंचायत येथे नगराध्यक्षा माधुरी घोलप यांच्या हस्ते ध्वजवंदन करण्यात आले. तसेच तहसील कार्यालय तळा येथे तहसीलदार स्वाती पाटील यांच्या हस्ते तालुक्याचे ध्वजवंदन पार पडले.
तहसीलदार दालनात तहसीलदार स्वाती पाटील यांनी उपस्थित सर्व मान्यवरांना प्रजासत्ताक दिनाच्या शुभेच्छा दिल्या. तसेच ५ फेब्रुवारीला पंचायत समिती व जिल्हा परिषदेसाठी मतदान पार पडणार असून सर्वांनी मतदानाचा हक्क बजवावा, असे आवाहन केले. याप्रसंगी तालुक्यातील प्रतिष्ठित मान्यवर, अधिकारी, कर्मचारी व नागरिक मोठ्या संख्येने उपस्थित होते.