औद्योगिक वसाहतीतून धुराचे लोट

औद्योगिक वसाहतीतून धुराचे लोट
बोईसर (वार्ताहर)ः तारापूर औद्योगिक वसाहतीतील ओम एडेसिव्ह प्रा. लिमिटेड (प्लॉट क्रमांक एन-९३) कंपनीच्या कूलिंग टॉवरला सकाळी ११ च्या सुमारास आग लागल्याची घटना घडली. या आगीत कोणतीही जीवितहानी झालेली नाही. आग लागल्याची माहिती मिळताच बोईसर अग्निशमन दलाचे पथक तात्काळ घटनास्थळी दाखल झाले. अग्निशमन दलाने तत्परतेने कारवाई करत आग आटोक्यात आणून पूर्णतः विझवली, अशी माहिती अग्निशमन अधिकारी वैभव तांडेल यांनी दिली. या घटनेबाबत पुढील तपास सुरू असून आग लागण्याचे नेमके कारण अस्पष्ट आहे.