भरधाव कारची धडक;. दुचाकीस्वाराला दोन किमी फरफटत नेल्याने मृत्यू

कारच्या धडकेत दुचाकीस्वार ठार
श्रीवर्धन, ता. ३१ (बातमीदार) : तालुक्यातील दिवेआगर बोर्ली पंचतन मार्गावर भरधाव कारने दुचाकीला धडक दिली. या अपघातात दुचाकीस्वार मोहम्मद हनीफ अरजबेगी यांचा मृत्यू झाला. मिळालेल्या माहितीनुसार, अरजबेगी हे आपल्या पत्नी सीमन यांच्यासह शेखाडी येथे नातेवाइकांच्या लग्नसमारंभासाठी दुचाकीवर गेले होते. कार्यक्रम आटोपून परत येत असताना कारने त्यांच्या दुचाकीला जोरदार धडक दिली. धडकेनंतर अरजबेगी कारखाली अडकले. मात्र, चालकाने वाहन न थांबवता पुढे नेल्याने ते फरपटत गेले. यामुळे त्यांचा जागीच मृत्यू झाला. पुढील तपास पोलिस करीत आहेत.