सुयश कला क्रीडा मंडळाची २२ वी व्याख्यानमाला

सुयश कला-क्रीडा मंडळाची व्याख्यानमाला
ठाणे, ता. २ (बातमीदार) : ठाणे (पूर्व) येथील सुयश कला क्रीडा मंडळ व श्री सिद्धिविनायक मंदिर यांच्या संयुक्त विद्यमाने आयोजित वार्षिक व्याख्यानमालेत यंदा ठाणेकरांना कलाकार व वक्त्यांचे विचार ऐकण्याची संधी मिळणार आहे. धर्मवीर आनंद दिघे यांच्या मार्गदर्शनाखाली गेल्या २१ वर्षांपासून ही व्याख्यानमाला सामाजिक, सांस्कृतिक व कला क्षेत्रातील दिग्गज वक्त्यांसाठी ओळखली जाते. यंदा २२व्या वर्षी ही तीनदिवसीय व्याख्यानमाला शुक्रवारी (ता. ६) सुरू होणार आहे. या दिवशी आघाडीचे गायक सुदेश भोसले यांच्याशी ज्येष्ठ निवेदिका मंगला खाडिलकर मनमोकळ्या गप्पा मारणार आहेत. शनिवार (ता. ७) ज्येष्ठ गायिका मृदुला दाढे ‘अमरलता’ या व्याख्यानातून भारतरत्न लता मंगेशकर यांच्या गायकीचे मर्म उलगडतील. रविवारी (ता. ८) शिवव्याख्याते नितीन बानुगडे पाटील यांच्या शिवचरित्रावरील व्याख्यानाने समारोप होणार आहे. ही व्याख्यानमाला श्री सिद्धिविनायक मंदिराच्या पटांगणात सायंकाळी ८ ते १० या वेळेत होणार असून, रसिक ठाणेकरांनी मोठ्या संख्येने उपस्थित राहावे, असे आवाहन आयोजकांनी केले आहे.