बँकेत कर्मचारी वेतनवाढ निश्चित

बँकेत कर्मचारी वेतनवाढ निश्चित
विरार (बातमीदार) : वसई विकास सहकारी बँक लिमिटेड या सहकारी बँक कर्मचाऱ्यांची २२ महिन्यांपासून प्रलंबित असलेली वेतनवाढ नुकतीच निश्चित करण्यात आली. या कराराअंतर्गत कर्मचाऱ्यांना भरघोस वाढ व इतर सवलती मिळणार असल्याचे बँक प्रशासनाच्या वतीने सांगण्यात आले. दरम्यान, कराराच्या सुरुवातीला राज्याचे उपमुख्यमंत्री अजित पवार यांना श्रद्धांजली वाहण्यात आली. या करारावेळी बँकेच्या वतीने अध्यक्ष आशय राऊत, उपाध्यक्ष शिरीष राऊत, सीईओ दिलीप ठाकूर, ज्येष्ठ संचालक महेश म्हात्रे यांच्यासह इतर संचालकांनी या करारावर स्वाक्षऱ्या केल्या. तसेच कर्मचारी संघटनेच्या वतीने अध्यक्ष खासदार आनंदराव अडसूळ, कार्याध्यक्ष सुनील साळवी, सरचिटणीस प्रदीप पाटील, संघटक सचिव प्रशांत ठाकूर, कर्मचारी प्रतिनिधी संदीप म्हात्रे व इतर पदाधिकाऱ्यांनी स्वाक्षऱ्या केल्या. त्यानंतर कराराची प्रत आदान प्रदान करण्यात आली. कार्यक्रमाच्या शेवटी आभार प्रदर्शन करताना संघटक सचिव प्रशांत ठाकुर यांनी आजचा वेतनवाढ करार हा अपेक्षापूर्ती करार असल्याचे सांगितले.