जय श्रीराम, जय द्वारकाधीशचा नारा

‘जय श्रीराम, जय द्वारकाधीश’चा नारा
वसई, ता. ३ (बातमीदार) ः वसई-विरार पालिकेच्या महापौरपदाच्या निवड प्रक्रियेवेळी भाजपकडून ‘जय श्रीराम’चा नारा लावण्यात आला. त्याला प्रतिउत्तर देताना बविआच्या नगरसेवकांनी ‘जय द्वारकाधीश’चा गजर केल्याने काहीवेळेसाठी वातावरण बदलल्याचे दिसून आले. महापौर, उपमहापौर पदाची निवड झाल्यानंतर बविआ कार्यकर्त्यांनी पालिकेच्या आवारातच जल्लोष केला. या वेळी भाजपचे नगरसेवक बाहेर पडताच बहुजन विकास आघाडीचा विजय असो, हितेंद्र ठाकूर यांचा विजय असो, अशा जोरदार घोषणा देण्यात आल्या. या वेळी महापौरपदी अजीव पाटील, उपमहापौरपदी मार्शल लोपीस यांच्या नावाची घोषणा होताच कार्यकर्त्यांनी आनंदोत्सव साजरा केला.