प्रशिक्षणार्थी आयएएस अधिकाऱ्यांची धारावीला भेट

प्रशिक्षणार्थी आयएएस अधिकाऱ्यांची धारावीला भेट

सकाळ वृत्तसेवा
मुंबई, ता. ११ : आशिया खंडातील सर्वात मोठी झोपडपट्टी अशी ओळख असलेल्या धारावीचा पुनर्विकासाच्या माध्यमातून कायापालट केला जाणार असून, येथील पात्र रहिवाशांना धारावीतच हक्काचे घर दिले जाणार आहे. या महत्त्वाकांक्षी पुनर्विकास प्रकल्पाची बुधवारी (ता. ११) २०२५ च्या प्रशिक्षणार्थी आयएएस अधिकाऱ्यांच्या पथकाने पाहणी केली. या वेळी गृहनिर्माण विभागाचे अतिरिक्त मुख सचिव असीम कुमार गुप्ता उपस्थित होते. धारावी पुनर्विकास प्रकल्प (डीआरपी) आणि ‘एनएमडीपीएल’ या अदाणीच्या कंपनीकडून पुनर्विकास केला जात आहे. त्यानुसार आतापर्यंत सुमारे लाखभर झोपडीधारकांच्या घरोघर जाऊन सर्व्हेक्षण केले आहे. या प्रकल्पाबाबत डीआरपीच्या अधिकाऱ्यांनी या प्रशिक्षणार्थी अधिकाऱ्यांना धारावी पुनर्विकास प्रकल्पाविषयी माहिती दिली.